18 Feb 2017 - 00:00

Venlo

Jocus Joetsaovend

02 februari 2017

Zaoterdaag 18 fibberwari vindt aansloétend aan ’t Prônke op de Klaosstraot, de Jocus Joetsaovend plaats op de Parade.

Ein niej gebeure det eigelik gaar neet zoë niej is. Gewoën alderwets van kefee nao kefeeke joetse en veural zelf zörge det ’t eine joeksige aovend wuurt. Schaele wazel verkoupe aan de teek mit ein good glaas beer, piassekraom make mit dien vrinde of andere joetsers ammeseere mit ‘tgeen desse dich dit kiër weer in haes laote valle. Boéte op straot speule joekskepelle de Venlose vastelaovesméziek en meugse ’t hoëgste leed zinge of d’n Hoempapa danse.

De deilnemer aan de Joetsaovend is alzoë auk geliék de haufrolspeuler.

Want weej zien en make zelf de vastelaovend!

Asse dinks, dao wil ik beej …zien kinse dich veur € 11,- ’t stök ein stempelkaart kaupe. Daoveur kriegse beej idder van de zeeve deilnemende kefees ein klep veur lau en as geej al die kefees ziet aafgewaes wuuërt dich auk nog ens ein echte Jocus Joetsaovend 2017 medalie, ôntworpe door Hofteikenaer Leon Peeters, op de bors gespeld. Ein biézôndere, exclusieve medalie want idder jaor zal d’r ein niéj ôntwerp geprissenteerd gaon waere en door ’t beperk aantal kaarte zien d’r auk maar ein selek aantal medalies.

Alzoë pak ôg ônder de erm, haol flot kaarte en kôm allemaol naor de Jocus Joetsaovend!

Kaarte veur de Jocus Joetsaovend zien vanaaf 28 jannewari te kriége via www.jocus.nl en beej de deilnemende kefees. Dit zien: Kefee Pollux, Café de Tapperie, cafe de galerie, Eetcafé De Brasserie, Leo’s Proeflokaal, Kefee Bonjoere, Grand Café de Keulse Kar

D’n aovend deurt van 17.11 wies 23.11 oor.

Weej zoele ut sjiek vinde as geej verkleid kwaam!