12 Jan 2017 - 20:11

Weert

Boonte Aovendje 2017

Dit sezoen prizzentieërtj Stadsvastelaovendjvereiniging De Rogstaekers de Boonte Aovendje 2017 ónger de titel ‘Nein… Gae hétj schoeën kni-jje!’. Vör de 78e kieër zétte De Rogstaekers ’n splîntjernow programma nieër vôl sketches, vlotte humor, spitsgevónge tekste, meziek en dâns. Artieste, muzikânte en dânsers volge deîndânger in hoeëg tempo op met mer eîn doel: uch as bezeûker traktieëre op ‘n gezellige en verrassendje vuuërstélling, oeëvergoeëte met ‘n flînk ‘vastelaovendjsuîske’. Vergaetj alles um uch haer en laotj uch óngerdômpele in ‘t wêrme bad van humoristische, complieët uut ‘t verbând getrókke, hilarische situâsies. Al eûr zintuige zölle geprikkeldj waere tiêdes dieës aovendjvöllendje vuuërstélling vôl entertainment van Wieërter boeëm!

De Boonte Aovendje waere in 2017 gehaoje van 12 tot en mét 21 jannewari. Ouch dit sezoên zâl oppe website van ‘t Munttheater de muuëgelikheid waere geboeëje um entreekaarte te bestélle vör ‘n aantal Boonte Aovendje woeë ónger de Gala Boonte Aovendj mét uutroôping van de nowwe Stadspreens 2017!