18 Nov 2017 - 19:41

Beringe

Berings Liedjesfestival 2017
Nao aanstaande vriedig un good en knallend Aod op neij 2017-2018 te hebbe gevierd in Beringe, steit wir un sjoeën neij vastelaovesseizoen pal vur de deur.
Wae gaon dit neije vastelaovesseizoen starte mit unne geweldige muzikale aovend. Ut liedjesfestival start geliek in de irste waek van ut neije seizoen op zatterdig 18 november.
Um 19.41 oor wurt de vlag geheese beeij ut Kuuzemonument van de Beringse Kuus. Aansloetend starte we binnen in de Wieksjlaag um 20.00 oor mit ut programma. Mer leefs 6 deilnemers gaon dit jaor wir strijde um op ut podium te moge staon van ut P&M liedjesfestival.
Wae hebbe de ier, um de volgende artieste aan uch te moge presentere: De Nachtvorste, Hallef Wies, Aod Prinse, De Sjottelslette, Springlaevend en zeker, net neet te vergaete, Net Neet.
Dees artieste gaon de zatterdig aovend, 18 november, vur uch vulle en der unne behuurlik ‘battle’ van make. Um ongeveer 22.45 oor gaon wae bekind make waem dit jaor veurop lupt mit de biste sjlager van Beringe en waem dan dus Beringe moog gaon vertegewoordige op ut P&M liedjesfestival op zatterdig 13 jannewari.
Nao de bekindmaking knalle we nog lekker un hallef eurke der achteraan mit neemes minder dan AALTIED NOEIT TE LAAT, ze gaeve gas van ’t begeen tot ’t end.
www.aaltiednoeittelaat.nl
Tot 18 november in de Wieksjlaag, aan de Kanaalstraot in Beringe!