Een groep carnavalisten uit Amby is tijdens de jaarvergadering van Stadsvastelaovesvereniging De Tempeleers uit Maastricht uitgeroepen tot Vastelaovendsvierders van het jaar 2017. De groep Super-Maan doet sinds 2015 mee aan de Mestreechter vastelaovend. Afgelopen jaar brachten ze een hommage aan Max Verstappen door in optochten en tijdens het straatcarnaval een pitstop van de Formule-1 uit te voeren. Het filmpje van race-actie werd populair op internet-kanaal Dumpert. Na aandacht in het landelijke nieuws mocht Super-Maan figureren op RTL4, waarna de groep uit Amby een trip naar de Formule-1 in Monaco kreeg aangeboden.
Lees hier het persbericht van De Tempeleers maar pas op, het is geschreven in ’t plat Mestreechs:

Vastelaovendsvierder vaan 2017
Mestreech, 17 November 2017.

Leef lui,

Bezunder gruuts bin iech, um uuch de Vastelaovendsvierder vaan 2017 te mage annoncere.

VRUNDSJAP.
Vrundsjap is ’t aller veurnaomste in ’t leve vaan ‘ne mins. En dao drejt ’t ouch allemaol um bij euze Vastelaovendsvierder vaan dit jaor!

Ze kinne z’ch al vaan de Basissjaol en vaan de voetbalclub. Dao ontstoonden al de echte vrundsjappe.
Ze goon zelfs samen op vekantie, oonder andere nao Salou, Kos, Mallorca en Kreta.
In Kreta hadde ze ouch ‘ne leuken tied: zoe goejde ze eine vaan de gróp in ’t water, boedoor ederein in de buurt vaan ’t zwumbad in paniek raakde. De persoen in kwestie kaom lankzaam bove drieve, speide get water oet, terwijl de res de groetste lol had!
Es ze op stap ginge spookde ze venalles oet, meh wel op ’n ordenteleke meneer.
Vastelaovend is altied hiel bezunder veur hun. Sinds de ieuwwisseling goon ze eder jaor in ’n aander thema verkleid nao de hierezitting.
Vaanaof 2015 wèlde ze get spesjaols doen, en dao ging hiel get wèrk aon veuraof. Meh tijdens ’t make vaan de nui creaties höbbe ze weer hiel väöl plezeer en weurt d’r hiel get aofgelache!
In 2015 waore ze verkleid es SUPERMAAN: ze hadde zelfs ‘ne vlegende supermaan!
2016 Mós nóg spesjaoler weurde: ze woorte SNEEUWWITJE EN DE DERTIEN DWERGE. Ze hadden hun creatie zóe gemaak es-of Sneeuwwitje éch in de glaze kis laog!
Toen kaom 2017: ’t mós opnui beter weurde en de veurgaonde jaore euvertreffe!
Umtot de hiere fan zien vaan Formule 1 race en vaan euze Limburgse Max, beslote zie um get te make wat hei mét te maken had.
Eine vaan de gróp, bijnaom “de Ritz”, waos dit jaor Hoeglöstegheid vaan de Sjlaaibök. Toen woort beslote um ’t team RITZ BULL RACING TEAM op te riechte. Dit dus es ierbetoen aon Hoeglöstegheid Stefan Ritzerveld.
D’r woort zelfs ‘ne Formule 1 racewagel gemaak, en door ‘ne pitstop nao te doen en geliekertied te fèlme, woorte ze binne no time doezende kiere bekeke op de site vaan Dumpert.
Zelfs de Telegraaf, Metro, ’t AD en SBS 6 sjoonke d’r aondach aon.
De groetste verrassing waos ’t bezeuk aon de tèllevizieoetzending vaan Staatsloterij Puur Geluk vaan RTL 4. Tijdens deze show woort hun ’n reis nao Monaco aongeboje, boe dat weekind de Formule 1 race plaotsvoond.
En ’t allersjiekste waos, tot de partners vaan de hiere allemaol mèt mochte!
Nao ‘ne zwoere, heftegen aovend in ’t Franse Cannes, woorte ze ’s mörges mèt de bös opgehaold en nao ’t Monaco circuit gebrach.
Toen ze al laank en breid in de bös zaote, kaome ze d’r achter tot de touwgaangskaarte, ter weerde vaan €7500, nog in ’t hotèl laoge!

Leef lui, g’r höb mesjien al geraoje, um wee tot ’t dit jaor geit…….

De vlegende supermaan, Sneeuwwitje en Max Verstappen heit GLEN!
De supermanne, dwerg en crew vaan Max zien zien VRUN!

Leef lui, gruuts en mèt väöl plezeer annonceer iech uuch de Vastelaovendsvierders vaan 2017………..

DE GRÓP SUPER-MAAN OET AMIE!!!!!!!!